Notisia

Vaga Servisu - Ofisial Monitorizasaun no Avaliasaun

Vaga Servisu - Ofisial Monitorizasaun no Avaliasaun

Termu Referensia 

 

Deskrisaun knar

Titulu Servisu              : Ofisial Monitorizasaun no Avaliasaun

Fatin Servisu               : Dili no Munisipiu Operasional sira

Durasaun kontratu      : Kontratu fulan neen (6) no bele extende.

Relatoriu ba                 : Program Manager

Data inísiu                   : Aprox. 07 Agostu 2023.

 

Kona-ba knaar ne'e

Posisaun ida-ne'e envolve implementasaun atividade Monitorizasaun no Avaliasaun Kdadalak Sulimutuk Institute nian. Knaar ne'e sei foka liu ba implementasaun atividade monitorizasaun no avaliasaun hodi asegura kualidade implementasaun programa sira KSI nian maka hanesan programa transformasaun sosial no agroekolojia, programa advokasia no edukasaun inklui programa dezenvolvimentu organizasional nian. Aleinde programa jeral temi iha leten iha mos programa espesifuku TAPSA (Tranzisaun agroekolojia ba soberania ai-han) liu husi suporta projetu Edukasaun popular, Sentru agrikola ne’ebe produtivu, Haforsa Kooperativa Baze, tara-bandu, konservasaun ekolojia no Haforsa movimentu baze agrikultor sira.

Responsabilidade Prinsipal sira

Relatoriu ba program manajer no diretor, Ofisial Monitorizasaun no Avaliasaun sei implementa atividade monitorizasaun no avaliasaun KSI nian hanesan kolesaun dadus, organizasaun dadus no fahe dadus liu husi servisu hamutuk ho ekipa kampu no programa sira. Responsabilidade ofisiál M&E nian sei inklui elementu prinsípiu sira tuir mai:

  1. Dezenvolve planu no instrumentu ka matadalan sira ba Monitorizasaun no Avaliasaun
  2. Implementasaun programa Planu Monitorizasaun no Avaliasaun
  3. Dezenvolve baze dadus, relatoriu, Sistema arkiva no Aprendizajen
  4. Dezenvolve kapasidade

1. Implementasaun programa Planu Monitorizasaun no Avaliasaun

  • Halo kolesaun dadus ho pesoál programa relevante no pesoál parseiru sira-nian liuhusi fahe formuláriu ka template ho parseiru sira no kolesaun dadus.
  • Halo verifikasaun no hamoos dadus Responsavel ba prosesu hatama tama dadus, hamoos dadus, verifikasaun dadus no prosesu verifikasaun liuhusi servisu hamutuk ho ekipa kolesaun dadus husi pesoál no parseiru sira.
  • Atualizasaun ba baze dadus bazeia ba verifikasaun dadus kampu inklui Organiza dadus no fahe ho ekipa relevante sira ba análize no relatóriu.
  • Organiza reflesaun internu trimestre, partisipa iha parseiru nia revizaun trimestre no relatóriu.
  • Koleta no dokumentasaun estudu kazu, istoria mudansa no lisaun ne'ebé aprende, no halo monitorizasaun benefisiáriu tuir planu pro

2. Relatoriu, Sistema Arkivu no ferramenta M&E:

  • Jere no atualiza kada fulan baze-dadus M&E nian hodi monitoriza dadus kualitativu no kuantitativu ne'ebé halibur iha nivel kampu;
  • Prodús relatóriu badak kona-ba atividade projetu nian atu fó koñesimentu ne'ebé boot liu kona-ba progresu projetu nian, hodi subliña rekomendasaun xave sira, dezafiu sira no prátika di'ak sira.
  • Asegura katak dokumentu projetu xave hotu-hotu arkiva ona; no
  • Kontribui ba komplementasaun relatóriu doadór nian, hodi asegura loloos dadus hotu-hotu husi projetu.

3. Dezenvolve Kapasidade

  • Apoia diretamente pesoál staff programa no divizaun inklui mos staff kampu no parseiru sira iha kampu ne'e ba kualkér kapasidade kona-ba uza plataforma online no uza instrumentu no templatu M&E nian ba kolesaun dadus. 

 

Kriteria Selesaun Prinsipal

Kriteriu sira tuir mai sei uza hodi avalia kandidatu sira ba postu. Aplikante hotu-hotu tenke responde ba kriteriu hirak-ne'e iha sira-nia aplikasaun:

  1. Edukasaun

           Diploma ka kualifikasaun profisionál iha área relevante ida (Estudu ambientál no agrikultura, estudu dezenvolvimentu, siénsia sosiál ka iha área relevante ida.)

  1. Koñesimentu no abilidade
  • Fo koñesimentu kona-ba programa monitorizasaun no avaliasaun métodu no instrumentu sira.
  • Skill iha téknika kolesaun dadus kualitativu no kuantitativu.
  • Abilidade atu halo planu ba servisu rasik, estabelese prioridade no kompleta servisu se iha tempu ne'ebé limitadu ka bainhira hasoru ezijénsia kompetente sira.
  • Abilidade atu uza komputadór sira hodi halo prosesu ba liafuan no aprezentasaun sira.
  • Dezenvolve didi'ak hakerek no komunikasaun iha lian Tetun no Ingles.
  1. Esperiensia esensiál
  • Pelu menus iha esperiénsia servisu iha ONG lokál no/ka internasionál ruma iha papél monitorizasaun
  • Esperiensia implementasaun projetu dezenvolvimentu liuhosi ONG lokál ka parseiru governu lokál sira.
  • Esperiensia pratika iha programa dezenvolvimentu partisipativu bazeia ba komunidade, inklui planeamentu partisipativu, monitorizasaun no avaliasaun.
  1. Esperiensia no koñesimentu ne'ebé di'ak;
  • Esperiensia servisu iha implementasaun projetu agrikultura, ambiente no dezenvolvimentu ekonomia lokal, iha Timor-Leste.
  • Konesimentu kona-ba jestaun no dezenvolvimentu organizasaun iha Timor-Leste.
  • Esperiensia iha peskiza no análize no dokumentasaun ba prátika di'ak sira
  • Hatene hakerek no ko'alia iha lian Ingles.

 Aplikasaun sira

Data remata 23 Jullu 2023

Entrevista dahuluk 27 Jullu 2023

Data inísiu Aprox. 07 Agostu 2023.

Aplikasaun ba pozisaun ida-ne'e tenke inklui rezumu ka Cv (maximum pájina 4) no Karta aplikasaun (maximum pájina 2) ne'ebé responde ba kriteriu Espesifikasaun Ema iha leten. Resposta ba kriteriu selesaun bele inkorpora iha karta ne'e rasik ka lista iha títulu ketak (iha limitasaun karta ne'ebé taka pájina 2). Rezumu sira tenke inklui detallu pelumenus profisionál rua ne'ebé refere, inklui sira-nia naran, detallu kontaktu no relasaun ho ita-boot sira. Referensia sei foti de'it hafoin entrevista, no só ho kandidatu nia koñesentimentu antes.

Favor nota katak aplikasaun sira ne'ebé kumpre de'it kriteriu sira iha leten mak sei konsidera.

Data enserramentu ba aplikasaun mak 23 Jullu 2023.

Aplikasaun ne'ebé tarde ka la kompletu sei la simu. Kdadalak Sulimutuk Institute sei la bele fó komentáriu ba kandidatu sira ne'ebé la hetan susesu.

Nota: Aplikante ne'ebé hetan susesu sei presiza kumpre kodigu konduta organizasaun nian

Aplikasaun e-mail ba: Este endereço de email está sendo protegido de spambots. Você precisa do JavaScript ativado para vê-lo.  to'o 23 Jullu 2023. Iha ita-boot nia e-mail nia liña tópiku tenke lee "Aplikasaun - Ofisial Monitorizasaun no Avaliasaun."

 

Related Articles