KDADALAK SULIMUTUK INSTITUTE (KSI) "belun kamponezes ba transformasaun"

Kona-ba ami Depois de dekadas rua resin rezistensia kontra kolonialismu no neo-kolonialismu, proklamasaun independensia unilateral hetan rekoñesimentu internasional, tempu nee Timor-Leste administra husi the United Nations Transitional Administration (UNTAET), iha fulan Maio 20, 2002.

Atu kontribui ba prosesu transformasaun Timor-Leste, ho hanoin atu transformasaun nee bele afavor ba, maioria povo Timor ne’ebe agrikultores, ami grupu ida husi membru estudante solidariedade hari Kdadalak Sulimutuk Institute iha tinan 2000.

Entre membru fundadores original sira mak: Antero Benedito da Silva, Jose da Costa Magno, Mateus Tilman, no Maria Angelina Lopes Sarmento.

Naran ida Kdadalak Sulimutuk mai husi hananu ida, kdadalak Sulimutuk, suli we inan, neebe hakerek husi Franscisco Borja da Costa, poeta no lider politika ida, ne’ebe militar Indonesia sira ho brutalidade oho kedan iha loron primeiru invazaun, dia 7 Dezenbru 1975.

Literalmente, Kdadalak Sulimutuk, suli we inan (lian Tetum terik) katak ‘mota kiik sira hasoru malu, suli mota boot’.

Povu opremidu kiik-oan sira, tau sira nia forsa hamutuk, sira mos bele halo mudansa ne’ebe boot.

Kdadalak Sulimutuk Institutu hari baseandu ba valores fundamentais humanismu, proteksaun ekolojika no demokrasia popular.

Prinsipius basika sira mak inkluindu: solidaridade sosial, justisa sosial no ekolojika, no prosesu aprendizajem neebe laiha rohan.

Haríi iha loron 18 Fulan Jullu Tinan 2000, ho natureza KSI hamriik nu’udar Instituisaun sosiál edukasaun ho natureza Ukun-Rasik-an/ Organizasaun Naun Govermental, la buka lukru no la apoia ba partidu polítika ka sekte ruma.

VIZAUN Harii sosiedade foun ida ho justu, ne'ebé ema hotu bele moris iha igualdade social, pás, solidariedade no ekolojikamènte sustentável.

Misaun Atu kontribui ba komunidades sira ne’ebe independenti iha area sosial no ekonomia liu husi transformasaun sosial komunitária.